زهور الجنه ورياحينها
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

استعدوا من دلوقتى فى تجهيزات شهر الخير

2 مشترك

اذهب الى الأسفل

استعدوا من دلوقتى فى تجهيزات شهر الخير Empty استعدوا من دلوقتى فى تجهيزات شهر الخير

مُساهمة من طرف زهرة وردية الخميس مارس 16, 2017 12:56 pm

السلام عليكم
كل سنة وانتن بالف خير
زى العنوان كدة  لان فى ظروف الغلا لازم نعمل كدة

ومحدش يقولى لسة بدرى رمضان ان شاء الله 27 مايو يعنى ممكن نبداء نتحرك من اول الشهر علشان نخف الضغط شويه وميبقاش كله مره وحده ارحمى ابو العيال ياحبيبتى فى لبس عيد لسه يبقى نبداء نجهز ياحلوين
هنبدء من دلوقتى نجهز للشهر الكريم عشان ربنا يكرمنا ويقدرنا نلاقى وقت للعباده والصلاة ده شهر واحد فى السنه
وكمان منقضيش اليوم كله فى المطبخ كمان عشان المصاريف متكترش علينا ونوفر وقت وجهد وفلوس
هنعمل ايه بقىياموزتى منك ليها وده اللى انا شخصيا نانى ببدأ اعمله
هنمسك بند بند
اولا: الخضار والفاكهه والعصائر*
من النهارده وانتى بتشترى خضارك زودى كيلو او نص كيلو على اللى بتجبيه وشيلى فى الفريزرتجهيزات شهر رمضان كل سنه وانتو طيبين
لقيتى سعر الخضار نزل هاتى وشيلى فى الفريزر
الطماطم لقتيها رخصت او المستويه بتبقى ارخص هاتى شويه صلصيها
جهزى تسبيكه الخضار 3او 4بصلات كبار مثلا يتشوحو وانزلى بالصلصه او الطماطم اللى عملناها تتسبك وشيلى فى اكياس على قد الطبخه بس بططى الاكياس وخرجى الهوا عشان متخدش مساحه فى الفريزر
اعملى تسبيكه المحشى كمان وعليها الخضرا وشيلى فى اكياس على حسب احتياجك تطلعى تحطى الرز ونعناع وكمون وبهاراتك وتعيشى مع المحشى
.الكرنب رخيص هاتى واحده او اتنين حسب استهلاكك وعددكم ولو عندك ديب فريزر شيلى الكرنبايه ذى ماهيه سليمهمن غير تقطيع صدقينى اختراع ولا تسلقى ولا تغلبى نفسك
ولماتيجى تعملى محشى طلعيها قطعى اللى عايزاه وحطيها تانى فى كيس فى الفريزر
ولا يتهرى منك ولاحاجه
..الكوسه لو طبيخ اعملى التخديعه وضيفى الكوسه غلوه واحده بس وتبرد شيلى فى اكياس او علب فى الفريزر
لو صينيه بالبشاميل شوحى الكوسه الحلقات فى سمنه اوزيت وشيلى على قد الصينيه
.السبانخ اغسلى وقطعى وشيلى نى فى اكياس
وكذلك البسله والجزر القلقاس الفاصوليا الخضرا اغسلى وقطعى وعلى الفريزر فى اكياس
حمرى سلق القلقاس مع كسبره خضرا وتوم واطحنيه وشيلى فى علبه وخدى منها على قد الطبخه
**هاتى ربع لوبيا ربع فاصوليا بيضه وانقعى قبلها بيوم واسلقيها وشيلى فى الفريزر على قد الطبخه
اعملى صلصه المكرونه وشيليها فى اكياس بس ميزيها عن تسبيكه الخضار والمحشى هاتى بلاستر او تيكت واكتبى وممكن كل مجموعه اكياس شيليها فى شنطه مع بعض
هتطلعى كيس التسبيكه وكيس الخضار او البقول على طول على النار مع بعض وفرتى وقت وجهد
والمحشى هطلعى كيس التسبيكه والكرنب مثلت او اى محشى هتعمليه وتحطى رز وشويه نعناع وبهارات وكمون وتعملى احلى محشى ومخدش وقت.
**الفاكهه والعصائر**
البرتقال كتير اعصرى وشيلى فى الفريزر او فصوص ومتنسيش القشر خدى الطبقه البرتقالى بس وافرميها وشيلى فى كيس للكيك او البسكوت
اسلقى جزر واضربيه مع البرتقال فى الخلاط احلى عصير واحلى مهلبيه لرمضان بدل القمر الدين
.الفراوله كتير شبلى صحيح او عصير فى الفريزر
الجوافه قطعى وشيلى البزر
الموز شيليه بقشره فى الفريزر القشره هتسود بس الموز هيفضل ذى ماهوه طلعيه من الفريزر قشريه واضربى مع شويه لبن او من غير لبن ونقطه لبمون عشان العصير ميسودش
الليمون شليه صحيح بقشره فى كيس وطلعى على قد استخدامك يفك واستخدميه للاكل وللعصير ولا بيمرر ولا حاجه
اعملى العصير فرش احسن من العلب والتانج اللى كلهم مواد حافظه وسموم لولادنا ولينا.
**ثانيا.خزين البيت**
من النهارده جيبى كيس مكرونه شعريه رز زياده واعملى كرتونه او ضرفه فى المطبخ لرمضان متجيش جنبها
اى حاجه زياده ازازه زيت برطمان صلصه
كمان ممكن تحمرى شعريه ولسان عصفور تحمريه بسمنه اوزيت تشيليه فى التلاجه او تحمصيه من غير دهون على نار هاديه عشان ميتحرقش وشيليه فى برطمان فى دولاب المطبخ عادى وخدى على قد ما تحت
**ثالثا .اللحوم والفراخ**
من النهارده وانتي بتشري الفراخ هاتي وركين واغسليهم وتبليهم ويشيلهم او فراخه اغسليها وتبليها وشيلها البانيه هاتي نص وتبلي وشيلي والمفروم هاتي نص زياده وعصجيها وشيلي في الفريزر او حضريها للكفته وشيليها الكبده اشتري نص وتبلي وشيلي في الفريزر
رمضان كريم عليكم ان شاء الله ويعوده عليكم بالخير زايدين مش ناقصين يارب


زهرة وردية
زهرة وردية

المساهمات : 22
تاريخ التسجيل : 05/03/2017

الرجوع الى أعلى الصفحة اذهب الى الأسفل

استعدوا من دلوقتى فى تجهيزات شهر الخير Empty رد: استعدوا من دلوقتى فى تجهيزات شهر الخير

مُساهمة من طرف نورالفؤاد الجمعة مارس 17, 2017 12:49 am

تسلم ايدك حبيبتي
وكل سنة وانتي بالف خير يارب
ويارب يعود عليكي الايام بالخير
وعلي الامة الاسلامية
نورالفؤاد
نورالفؤاد

المساهمات : 12
تاريخ التسجيل : 05/03/2017

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى